Monday, 6 June 2011

كوبي بيست

بما اني مو قادره انام بخربط شوي
وبما انه ما عندي شي اقوله بخربط بالعربي

كيفي بلوقي

انا مو مرتاحه وحاسه انه في شي ناقص
املغ شعور بالدنيا لما الواحد يعرف راحته وين بس ما يبيها بهل طريقه
المسأله عناد ادري

وانا اكثر وحده اعاند نفسي
خالف تعرف

زهقت من الروتين
من الناس كلها
اتوقع وصلنا مرحله الكل صار كوبي بيست

ابي ناس يديده بحياتي
ناس سنعه
ناس احس عندهم طموح وثقافه


مليت من التناقض
ابي ناس اتمنى اكون نفسهم من كثر ما اهما غير
مابي ناس اتلني معاها بالافكار الساجذه والشخصيه المزوره


تعرفون شلون الواحد ينفض قطعه القماش او الكفر؟
انا جذي ودي انفض حياتي
وتطير منها كل خليه وصخه


يقولون الطيور على اشكالها تقع
تهقون انا الي قاعده اجذب هل اشكال؟
ادري فيني عيوب الدنيا
وادري انا الي يايبه هل هموم حق نفسي
بس صعبه
صعبه الواحد يتغير وهوا ماله احد يماشيه


نمشي ونقول عادي تقزر وبالنهايه محد قزرت عليه غيرنا

ااااخ يا قلبي


كل ما اكبر احس عقلي يصغر
ياما مفاهيم كنت متمسكه فيها بطريقه خياليه
بس وينها الحين؟
كل شي اختلط اب بعضه
ما بقى لي شي من الصح والغلط


انا مو راضيه عن الي اسويه


الي يضحك بالموضوع اني اضحك على الي تسوي سواتي
ولاني قادره احط نفسي مكانها
مصره انه انا غير
بس لا انا حالي حالها
ويمكن ارده بعد


مليت من نفسي
مليت من الي حولي
مليت من المفاهيم العويه
مليت من القيل والقال
مليت من المظاهر
مليت من الهواش والمشاكل
مليت من الاحلام الي مالها مكان بالواقع
مليت من المثاليه
بس
مليت

No comments:

Post a Comment